محمد سامي: وفاة أختي أثرت فيا وبسببها بخاف من الموت والمرض

كشف المخرج محمد سامي لأول مرة تفاصيل جديدة عن وفاة شقيقته بسبب السرطان. 

وقال سامي خلال استضافته ببرنامج "أسرار" مع الإعلامية أميرة بدر المذاع على قناة النهار: "مبخفش من الحسد، ومبحبش فكرة الشيوخ يعني إيه أجيب شيخ يقرأ لي وأمي موجودة بتقرأ لي، معنديش مشاكل مع حد في المشايخ، لكن مبحبش أتكلم عن المشايخ ولا السياسيين، وعلاقتي بربنا بشوفه البديع الرحمن، لأنه خلق الحيوانات والالوان اللي أنا بحبها، وبطلب من ربنا طلبات تضحك، زي لو عربيتي عطلت اقوله مشيها، وممكن وانا بعمل مشهد بطلب من ربنا أنه يبقى تريند”.

وأضاف: "عندي شراهه للنجاح، نفسي أموت ناجح ومش منسي، وبخاف من الموت جدًا ومن المرض، لأن عندي أختي ماتت سنة 2005 كان عندها سرطان وبعد ما خفت منه مرضت تاني وماتت، هي كانت صيدلانية وموهوبة جدًا في الكتابة والشعر، لو موجودة كنا هنبقى كومبو هي تكتب وانا أخرج لأنها محضرتش وأنا مخرج، كانت مثقفة وموهوبة أوي".

واختتم سامي حديثه قائلًأ: "أختي كانت بتتعالج برا في  أمريكا من السرطان، وكان الدكتور يهودي، قال لأبويا مطلوب مبلغ ضخم ووالدي وافق, والدكتور قاله أنا بصراحة بقولك رقم كبير عشان ترفض، وجربوا معاها كل حاجة حتى الحاجات الدينية زي بول الإبل في مرسى مطروح، لما راحت هناك رفضت التجربة ورجعت من مطروح ميتة في العربية".

اقرأ أيضاً: محمد سامي: اتهاجمت في مسلسل «نسل الأغراب» وربنا جابلي حقي