مها أحمد: أنا ست متكاملة وقمر ومجدي كامل بيدلعني يا «وزه»
كتب: مؤمن نصر
عبرت الفنانة مها أحمد عن حبها الشديد لزوجها الفنان مجدي كامل.
وقالت مها: "ممكن اكون حسدت نفسي عشان متجوزة راجل زي الفل، دكتور وبقالنا 30 سنة متجوزين، مسبتش البيت مرة، بيعشقني وهو سيدى وتاج راسي وجزمته على دماغي، وانا مبعرفش اتخانق، وساعات اكون متعصبة جدًا عليه لاني عصبية شوية ولما يخرج من الاوضة أقوله مجدي اعملي معاك شاي والموضوع يخلص، وهو استغرب ده في اول الجواز".
وقالت مها: "ممكن اكون حسدت نفسي عشان متجوزة راجل زي الفل، دكتور وبقالنا 30 سنة متجوزين، مسبتش البيت مرة، بيعشقني وهو سيدى وتاج راسي وجزمته على دماغي، وانا مبعرفش اتخانق، وساعات اكون متعصبة جدًا عليه لاني عصبية شوية ولما يخرج من الاوضة أقوله مجدي اعملي معاك شاي والموضوع يخلص، وهو استغرب ده في اول الجواز".
وتابعت خلال استضافتها ببرنامج "أسرار" مع الإعلامية أميرة بدر المذاع على قناة النهار: "مجدي بيحبني عشان حلوة وأمورة ومتجددة طول الوقت والكلام ده المفروض تعمله كل الستات، وانا بتشقلب ف البيت، وبيحبني كمان عشان شبه مامته، وست مكافحة وبيدلعني بيقولي يا وزة وحياتنا كلها متخرجش بره ولو هعيش معاه ب 1000 جنيه او 10 جنيه هعيش موافقة، وجبت أجهزة بيتي كلها بالقسط ساعة الجواز، والست متسامحش في الخيانة وأنا عمري ما اتخانت وانا ست كاملة متكاملة وقمر وبحب ادلع واتدلع، ومجدي طول عمرنا اول مايرجع البيت بيناديني يا وزة وياخدني وانا قصيرة كده في حضنه ويحط دماغي على صدره".
وعن مشاجرتها مع فادي خفاجة، قالت: "عندي شهوة للستر أن أي حد يقول عليا حاجة وحشة أو حاجة مش فيا، وأنا ناجحة، ومؤمنة جدًا بالحسد وبحب البس حاجة زرقا عشان تحميني من الحسد وبقرأ قرآن قبل ماطلع لايف وأثناء اللايف، لأن معظم الفنانين قاعدين بيتفرجوا عليا ويحسدوني على الريتش بتاعي، زي اللي انا رافعه عليه قضية".
واختتمت قائلة: "رافعة 3 قواضي على فادي خفاجة، ومجدي قضية وهما سب وقذف وتحرش، وغير اني هرفع قضية على منصة التيك توك، وهي مضمونة وأكسبها وأنا مغمضة لأنه حقي وعندنا قانون وقضاء عادل هيجيبلي حقي بالقانون".
اقرأ أيضاً: مها أحمد: رفضت منصب مهم لأني مش بحب الروتين
