رضا البحراوي: عندي 8 أولاد.. ومهنتي مش دايمة

تحدث المطرب الشعبي رضا البحراوي، عن حياته الخاصة وسبب إنجابه 8 أولاد، وذلك خلال استضافته ببرنامج "كلام الناس" مع المذيعة ياسمين عز، المذاع على قناة mbc مصر.

وقال رضا البحراوي: كان مكتوب على السوشيال ميديا إن أنا عندي 9 أولاد ولكن هما 8، وأنا بحب أهلي وإخواتي ويكون ورايا عزوة وناس، والمهنة بتاعتي مش دايمة واللي هينفعني في الدنيا هما العيال، وربنا يخلي ليا أمي وأبويا هما دول سندي وضهري في الحياة.

وأضاف: أنا من غير أمي وأبويا ولا حاجة، والناس بتقول رضا البحراوي ثم رضا الأب والأم.

رضا البحراوي يتحدث عن دور محمد إمام في حياته

وكشف المطرب الشعبي رضا البحراوي، خلال الحلقة أيضا عن الصداقة القوية التي تجمعه بالنجم محمد عادل إمام، مؤكدا أنه من الأشخاص الداعمين له، وسانده في فترة صعبة في حياته.

وقال رضا البحراوي، خلال لقائه مع المذيعة ياسمين عز، في برنامجها كلام الناس، المذاع في قناة MBC مصر: بستأذن محمد إمام، قبل أي عمل جديد بقدمه وباخد رأيه فيه وبرجعله دايما، وهو إنسان محترم وفنان كبير وابن ناس، ووقف جنبي في فترة صعبة كنت بمر بيها وكان هو الإيد اللي اتمدت ليا وقتها.

اقرأ أيضا: بعد 20 سنة.. بهاء الدين محمد يكشف سبب رفضه طلب الهضبة بشأن تصوير «تنسى واحدة»