رنا سماحة: «اتعرضت للظلم في شغلي واتقهرت أوى»
كتب: نسرين إبراهيم
تحدثت الفنانة رنا سماحة عن الصعوبات التي واجهتها خلال مشوارها الفني وتعرضها للظلم الشديد في فترة ما في حياتها مما كان يصيبها بيأس.
وكتبت رنا سماحة منشورًا، عبر حسابها الشخصي بموقع التواصل الاجتماعي فيس بوك، قالت فيه: جت عليا فترة أتعرضت لظلم في شغلي، واتقهرت أوي واتوجعت لدرجة أني كنت بحس أن قلبي هيقف، واكتشفت أن الظلم ده أوحش إحساس ممكن يعيشه الإنسان.
وتابعت رنا سماحة: كنت بقعد اسأل ربنا هو أنا عملت إيه يا رب، ليه زعلان مني، ومكنتش عارفة أن ربنا شايلي خير كبير، وأحسن مليون مرة من حتى اللي بتمناه، مكنتش عارفة أنه مش زعل بالعكس ده خير كبير، دلوقتي أنا بعيش عوض ربنا وجبره الكبير لخاطري، وأنا مش مصدقة وبقوله كتير عليا يا رب الكرم ده.
وأضافت رنا سماحة: اللهم لك الحمد حتى ترضى، وإذا رضيت وبعد الرضا، وأما بنعمة ربك فحدث.. اوعوا تيأسوا أبدًا وتقولوا خلاص قفلت كده، متعرفوش قدام الباب الي بيتقفل كام باب أوسع بيتفتح.
