«دخلت الدوامة تاني».. الإعلامية سالي عبد السلام تكشف إصابتها بمرض الثعلبة وخلل المناعة للمرة السابعة
كتب: شروق خالد
كشفت الإعلامية سالي عبد السلام، عن إصابتها بمرض الثعلبة وخلل المناعة، وذلك للمرة السابعة خلال 5 سنوات، بعدما شفيت منه قبل 5 شهور من الآن.
ونشرت "سالى" مقطع فيديو من داخل عيادة طبية خلال تلقيها العلاج، وأرفقت تعليقًا عليه قائلا: "دخلت الدوامة دى تانى !!! مرض الثعلبة وخلل المناعة للمرة السابعة فى 5 سنين .. سبحانك يا رب".
وتابعت: "يا دوبك لسه مخلصة علاج وكورتيزون وحاولت أخس تاني وأرجع أعالج شعري من الصيف!! في 5 شهور تعافي بعد ما تتعالج تطلع تاني بالسرعة دي ودي أول مرة تحصل! 3 شهور من الضغط النفسي والعصبي ودي أول حاجة ترجع المرض ده".
واستطردت: "حاولت أمثل إني كويسة زي ما على طول بعمل بس جسمي كل مرة بيرفض يمثل معايا، وابتليت في أكتر حاجة كنت بحبها.. سبحانك يا رب.. لما الدكتورة تقولي فيه أطفال وبنات بقت تيجي تاخد الحقن وتقول سالي بتاخدها، بفرح.. وأقول لعلها المنجية من الابتلاء!".
واختتمت الإعلامية سالي عبد السلام منشورها قائلة: "ادعولي مفيش حاجة تستاهل إنك تضغط على نفسك ولا تزعل وتمرض وتموت، إنا لله وإنا إليه راجعون".
View this post on Instagram
إقرأ أيضًا: الإعلامية سالي عبد السلام: مش هنسيب حقنا وهنربي كل متحرش
