دومينيك حوراني لـ«العاصمة»: «جوزي بيفرح لما بيشوفني في مشهد فيه قبلات»
كتب: شروق خالد وحسام جودة
كشفت الفنانة اللبنانية دومينيك حوراني، عن رأيها في القبلات والسينما النظيفة، بالإضافة إلى الحديث عن زوجها والعديد من التفاصيل الأخرى في حوار جرئ ومختلف مع "العاصمة".
وقالت حوراني: "لو اتعرض عليا أعمال فيها قبلات هوافق، عشان لازم أخدم الدور والشخصية صح، بس منعوا الحاجات دي دلوقت".
وتابعت: "السينما يعني بنمثل الحياة الحقيقية، فالحياة الحقيقية من غير قبلات متنفعش، موضحة: "يعني المشاهد اللي فيها حب أو رومانسية مش هتقنعني إن واحد بيحب واحدة مش هيحاول يبوسها، ده طبيعي".
واستطردت: "يعني هوليوود مبيفهموش! عندهم كله بوس في بوس، المشاهد اللي فيها حب وغرام لازم يبقي فيها قبلات".
واستكملت: "جوزي بيتبسط لو شافني في مشهد فيه قبلات، لأني ممثلة شاطرة أعمل أي حاجة، مضيفة: "الناس لما بتشوفني بتثار غرائزهم".
وكشفت "دومينيك " عن سر في ختام حديثها مع "العاصمة" لأول مرة: "فيه فنانين كتير من كل بلدان العالم كانوا عايزين يتجوزوني، لأن أي واحدة زيي هيجيلها عروض جواز كتير".
ويذكر أن، آخر أعمال الفنانة دومينيك حوراني أغنية "خروفي" التي طرحتها عبر قناتها الرسمية على موقع "يوتيوب".
وتعد أغنية خروفي؛ فكرة دومينيك حوراني، من كلمات جميل بزي، ألحان الدكتور طوني عنقا، توزيع وتسجيل ستوديو إيلي سابا، تمثيل الموديل العالمي إيلي أبو أنطون، مونتاج أحمد خليل، وتم تصوير فيديو كليب الأغنية في تركيا.
