بدرية طلبة تهاجم منتقدي مُعلمة المنصورة: «لو كانت في بيت دعارة مكنتوش عملتوا كل ده»
كتب: شروق خالد
حرصت الفنانة بدرية طلبة على دعم معلمة المنصورة، التي أثارت حالة من الجدل الواسع مؤخرًا على مواقع التواصل الاجتماعي، بعدما ظهرت في أحد الفيديوهات وهي ترقص خلال رحلة نيلية مع زملائها، والتي انتهت بطلاقها من زوجها وفصلها من العمل.
وعلقت "طلبة" على الأزمة عبر صفحتها الشخصية علي "فيس بوك": "الناس اللي كبروا موضوع المُدرسة وكانوا سبب في خراب بيتها منكم لله .. دانتو لو كنتوا ظبطوها في بيت دعارة مكنتوش عملتوا كل اللي انتوا عملتوه دا، متسائلة: هى أجرمت في ايه؟؟".
وتابعت: "علشان طلعت رحلة مع زمايلها وفكت عن نفسها ورقصت وضحكت وهزرت ؟؟؟ طب كويس والله!!".
واستطردت: "متنسوش بقى تحطوا قانون ممنوع أى مُدرسة تفرح أو ترقص في فرح بنتها او ابنها عيب ياجماعه دى مُدرسة بردو وأي مُدرسة نفسها تعيش يوم حلو تدارى وتستخبي علشان ميتعملش معاها الجلاشة!!! واحنا ماشاء الله عندنا شوية ناس الأخلاق بتخر منهم!!!! دمرتوها الله يبتليكم باللي متقدروش عليه".
يُذكر أن، الفنانة بدرية طلبة شاركت في مسلسل "البرنس" خلال شهر رمضان الماضي، وهو من تأليف وإخراج محمد سامى، وإنتاج شركة سينرجى.
