ريم طارق: حسن شاكوش حرمني من ثواب رمضان
كتب: شاهيناز خليفة
أثارت ريم طارق، الجدل عقب حديثها عن أسرار وتفاصيل زوجها حسن شاكوش، وذلك خلال بث مباشر عبر صفحتها الرسمية على إنستجرام.
وأوضحت ريم طارق، أن حسن شاكوش كان سببًا في حرمانها من ثواب رمضان، قائلة: «أنا عمري ما هسامحك على أنك كنت سبب في إني أتحرم من ثواب رمضان».
وتابعت: «وبردو أنا اللي مشيت ورا جهل وتخلف عشان أرضي جوزي وأنا كنت فاكراك كويس».
وأضافت: «والبنت اللي بعتت لي يوم الخطوبة وحذرتني وأنا اسفة اني ماسمعتش كلامك بس انا كنت عمري ما اتخيل ان في شخص في كل العيوب دي».
وتساءلت ريم طارق عن سر زواجه منها، قائلة: «جيت عندي واتجوزتني ليه عشان تداري ايه، انت اتعرضت لأيه قبل ما تخطبني عشان كدة قررت تروح تتجوز؟ ايه الحاجة اللي كنت بتداريها، الحاجة دي انا عرفتها، مش عارفة اقول لك ايه بصراحة، لحد دلوقتي محدش سمع اني بقول عنه حاجة، هو طلعني مريضة ومزورة عمل كل حاجة تغطي على الحاجة اللي عنده اللي مش عايز حد يعرفها اللي انا بردو عرفتها».
وتابعت: «اتقال لضابط النجدة ان انا اتطلقت، فلو انت طلقت عشان قضية الطلاق اللي انا رفعتها وعرفت سبب الطلاق اللي انا رفعاه قبل ما تتعرض على القضية دي انهاردة، فانا خلاص مابقاش في سر، فلو انت طلقت عرفني عشان اقول للناس ايه السبب اللي خلاك تيجي تخبط على الناس وتقول انا عايز دي من 3 سنين بنت الجيران اللي مابتسبش فرض اللي سجدت شكر لله وعملت كل الحاجات دي، اقول السبب بقى اللي انت جيت وقولت انا عايز بنت ناس عشان انت اعترضت على واحدة وقولت انها مش بنت ناس من تفكيرك ووجهة نظرك».
View this post on Instagram
اقرأ أيضًا: ريم طارق تفضح شاكوش: كتب عرفي على كويتية ومغربية وأكل حقهم
