عمرو مصطفى: لو شوفت رامي جمال في مكان هيتهزق

هاجم الفنان عمرو مصطفى، الفنان رامي جمال، بعد وصف الأخير له بالمغرور والنرجسي، من خلال تعليق له  خلال برنامج "حبر سري" عن تصريحات الأول في حق الوسط الفني.

وخرج مصطفى، للرد على رامي جمال، عبر حسابه على موقع التواصل الاجتماعي، "فيسبوك"، قائلا: "هو أنا اترككم تتعدوا بشكل غير قانوني على ألحاني،  يعني ولحن تم غنائه في برنامج علي الهواء خدته وعملت منه أغنيه وصورتها، وفي الاخر طالع تقول عليا نرجسي، نحن في زمن يصدق فيه الكاذب ويكذب فيه الصادق".

وأضاف عمرو مصطفى: "أقسم بالله لو شوفتك في اي مكان انت واشكالك  لن تجدوا مني غير  نظره احتقار واوعي تجري تسلم عليا زي ما عملت قبل كده علشان ههزائك، واوعي تجيب اسمي تاني في مكان علشان هقاضيك، أنت وكل اللي شبهك مطربي الدرجة لخامسة.. زمن الرويبضة"

وتابع عمرو مصطفى، هجومه، بمنشور أخر، قال فيه:"أنا نرجسي، أنا مغرور، أنا منفصل  عن زمايلي وفي حالي ومش بكلم حد في الوسط، ارتاحوا بقي وبطلوا تذكروا اسمي في كل مكان".

"اقعدوا اعملوا لجان في كل حته تطلع تشتمني وبرامج مخصوص لمهاجمتي، كل ده لاني لازم اكون منافق واشكر في ناس منافقه علشان صورتي تكون كويسه قدام الناس، طيب انا عايز صورتي تكون وحشه ارتاحوا بقي".

وكان قد علق رامي جمال خلال برنامج "حبر سري" على تصريح سابق لعمرو مصطفى قال فيه "أنا المبدع والمطرب أداة" بقوله: "أعوذ بالله، مفيش حاجة في الدنيا متوقفة على شخص، والملحن من غير شاعر وموزع شاطر أداة، والمطرب الشاطر اللي سماه أداة هو الفترينة، من غيرها مكانش هيبقى قاعد يتكلم إنه ملحن شاطر".

وأضاف: "في نوع من النرجسية أنا مش بحبه، وفي فرق بين إنك واحد من الملحنين العباقرة اللي التاريخ مش هينكرهم، لكن لسة مين مزعلتوش؟".

وأضاف: "كفاية، عاب في كل زمايله، ولما تعيب في زمايلك إنت بتعيب في مهنتك، وأنا شايف إننا نكبر بعض أحسن".

وتابع: "أنا عارف إنه أطيب من الطيابة، لكن الناس العادية بتشوف مشاكلنا، ليه نصدر لهم إننا مش بنحب بعض".