عبير نعمة: الطلاق بالنسبالي أصعب من الموت وبعيش ألمي لوحدي
كتب: نسرين إبراهيم
كشفت الفنانة اللبنانية عبير نعمة عن تفاصيل تجربتها مع الطلاق الذي وقع منذ عامين، كما تحدثت عن الأمور الفنية الخاصة بها.
وقالت عبير نعمة في تصريحات تلفزيونية: الطلاق بالنسبالي أصعب من الموت، وكل يوم بيعدي الألم بخسره من حياتي وأكيد غلاوة الشخص لسه موجود، ومفيش غير الذكريات السعيد اللي بتربطنا سوا، وحسيت أني فشلت لما انفصلت ومكنتش عايزة أنفصل عنه، هو شخص بيطير العقل وكل ذكرياتي معاه سعيدة.
وعن سبب إعلانها طلاقها بعد عامين من الانفصال، وإمكانية زواجها مرة أخرى، أضافت عبير نعمة: أنا بعيش ألمي لوحدي، وقلبي أكيد هيدق تاني ولكن مبفكرش أني أتجوز تاني حاليًا لأن عندي بنت وهي أكبر معجزة حصلت في عمري، وأنا مقدرش أكون لوحدي ولا أقدر أعيش بدون حب، أكيد في فترة هحب واتحب.
كما كشفت عبير نعمة أنها رفضت العديد من الفرص بسبب تمسكها بقيمها، معقبة: رفضت فرص كانت هتخليني طلع 90 درجة مرة واحدة على سلم الفن، لأن في حاجات متنازلتش عنها ومقبلتش أن حاجة تتفرض عليا، أنا فخورة بنفسي.
اقرأ أيضا: باسم سمرة: السوشيال ميديا حاليًا قلبت لجان يتحركون بالفلوس
