بعد اتهامه في حادث دهس.. عنبة يدافع عن عصام صاصا
كتب: نسرين إبراهيم
أبدى مطرب المهرجانات عنبة رأيه في أزمة مطرب المهرجانات عصام صاصا، بعد اتهامه في حادث دهس في أعلى الطريق الدائري.
ونشر عنبة عبر خاصية القصص القصيرة في حسابه على موقع الصور الفيديوهات "إنستجرام"، مقطع فيديو تحدث فيه إلى متابعيه وقال: "أول حاجة إنا لله وإنا إليه راجعون، أنا طالع بقدم خالص التعازي لأسرة ضحية حادث عصام صاصا ربنا يرحمه ويصربكم، أنا حاسس بيكم أنا بنت عمي توفت من 4 سنين أو أكتر وهي في زهرة شبابها على طريق وهي بتعدي العربية خبطتها وجريت محدش وقف".
وتابع عنبة: "أنا عارف أن مفيش فلوس في الدنيا تعوض ابنكم سيبكم من الكلام اللي بيتقال أنا مش بلومكم في حاجة، ربنا يصبركم موقف صعب للطرفين، هنا إنتوا متدمرين نفسيا وهو متدمر نفسيا، اللي عايز أقوله هو مش بيخبط أي حد ولا بيدوس على الناس بفلوسه، بلاش حد يفهمكم حاجة عن الراجل اللي إنتوا مش شايفين حالته بسبب الحادث ده إيه".
واختتم عنبة كلامه: "الله يرحم الشخص اللي مات أنا طالع أقول للناس بس، الناس على النت مهتمه باللي عمل الحادثة وعمالين يدبوا فيه ومحدش مهتم حتى يدعي للراجل ده اسمه استغلال وترند أبوس إيديكم يا تعزوا الناس يا تخرسوا".
ضبط وإحضار عصام صاصا
وكانت نيابة الطالبية والعمرانية في الجيزة، أصدرت قرارا بضبط وإحضار مؤدي المهرجانات عصام صاصا، على خلفية اتهامه بواقعة دهس سائق أعلى الطريق الدائري، بعدما أثبت تقرير مصلحة الطب الشرعي، تعاطيه لمواد المخدرة وقت قيادته سيارته.
اقرأ أيضا: اتهامات لأنجلينا جولي بمنع براد بيت من رؤية أولاده منها
View this post on Instagram
