«خناقة شعبية»... عدوية لرضا البحراوي: «يا حرامي الأغاني» (فيديو)
كتب: شاهيناز خليفة
اتهم المطرب الشعبي عدوية شعبان عبدالرحيم، المطرب الشعبي رضا البحراوي بالسرقة، حيث قال عدوية إن البحراوي حاول سرقة أحدث أغانيه وهي أغنية «بجنن وبحير».
هجوم عدوية على رضا البحراوي
ونشر عدوية عبد الرحيم، مقطع فيديو عبر صفحته الرسمية على موقع التواصل الاجتماعي فيس بوك: يا رضا أنا قلت لك بلاش أنا، وبلاش الأغنية دي، علشان كده بتخسرني، أنا مش عايز أغلط لغاية دلوقتي، وتابع: أنا قولتلك وحذرتك، هتيجي تغني الأغنية معايا بالاستديو، مرضيتش نغنيها معايا في الاستديو، يبقى متغنيهاش في الشغل
سرقة رضا البحراوي لعدوية
وأضاف: الأغنية من ألحاني وكلمات إسلام خليل، وتوزيع أشرف البرنس، إنت مرضيتش تغنيها في الاستديو معايا، يبقى تبعد عني وعن الأغنية، علشان أنا وحش، وقسما بالله إنت هتزعل مني».
واتهم عدوية، رضا البحراوي بسرقته وتعديه على أغانيه، حيث قال في منشور آخر له عبر «الفيس بوك»: «يا رضا يا بحراوي، يا حرامي الأغاني والأفكار ما تغنيش الأغنية تاني، أنا مش عايز أغلط لحد دلوقتي عشان أنا باقي عليك ما تخلنيش أزهق وأعمل حاجات تزعلك مني».
أضاف عدوية شعبان عبد الرحيم: رضا البحراوي اتصل بيا واستأذني وقالي عايز أغني الأغنية دي في الأفراح وافقت، ولما لقيته كل يوم بيغنيها مش بيعمل حاجة في حياته غير يغني الأغنية بتاعتي ويستغلها، فطلبت منه ييجي نسجلها مع بعض لكن رفض، وقالي الأغنية دي اتهرست وهو اللي هرسها، وهي بتاعت أبويا بقالها 20 سنة، ولكن أنا زودت عليها حاجة، وموجودة بصوتي على اليوتيوب
اقرأ أيضًا: خالد تاج الدين مدافعًا عن عمرو دياب والفنانيين: «متستغفلناش يا ويجز»
