أزمة قطع الكهرباء.. «4» منشورات تكشف تفاصيل «ثورة غضب» لميس الحديدي ضد الحكومة
كتب: عرفة محمد أحمد
تصدَّر اسم الإعلامية الشهيرة لميس الحديدي محركات البحث، خلال الساعات القليلة الماضية، وذلك بعد كتابتها عدة تغريداتٍ على موقع التواصل الاجتماعي «إكس»، مهاجمةً الحكومة، بسبب زيادة مدة تخفيف الأحمال الكهربائية.
منشورات لميس الحديدي الغاضبة بسبب قطع الكهرباء
1- يعنى إيه قطع كهرباء 4 ساعات في حرارة 43 وبدون مواعيد محددة؟.. فيه ناس كبيرة لا تتحمل، وناس عيانة وطلبة بيذاكروا وناس بتتعلق في المصاعد، حتى الناس العادية ده أبسط حقوقها.. الكهربا مش رفاهية، ده حق المواطن ودور الدولة، الناس أهم من أرقام الموازنة الصماء بتاعة الفائض الأولي.
2- لو بورسعيد بتقطع الكهرباء فيها 4 ساعات.. محافظات الصعيد بتقطع فيها كم ساعة؟؟ قطع الكهرباء يعنى قطع الميه يعنى قطع التليفون والإنترنت وخراب الأجهزة الكهربائية.. مين هيعوض يعوض الناس عن كل ده؟؟.. وفى النهاية فين آفق الحل؟؟ لازم نعرف ده حقنا".
3- إلى رئيس الوزراء المشغول بتشكيل الحكومة: فيه فلوس أهو لاستيراد الغاز غير فلوس رأس الحكمة، صندوق النقد، استثمارات الأجانب في أدوات الدين ٣٠ مليار دولار.. ليه مش بنستورد غاز للكهرباء بدل بهدلتنا؟.
4- ما تقولوش الفلوس كلها راحت سداد ديون! لأننا لم نسدد كل ديون شركات البترول الأجنبية وده أحد أسباب نقص الغاز.. الفلوس اتصرفت فين؟ عاوزين إجابة ده حقنا.. وليه مكانش عندك أي تخطيط أصلا لنقص الغاز وبلاش بقى قصة موجة الحر المفاجأة لإنك بتقطع الكهرباء في الحر والبرد.
مد فترة تخفيف أحمال الكهرباء لمدة «3» ساعات حتى نهاية الأسبوع الجاري
وفي وقتٍ سابقٍ، أعلنت وزارة البترول مد فترة تخفيف أحمال الكهرباء لمدة 3 ساعات حتى نهاية الأسبوع الحالي، بسبب الغاز الطبيعي المستخدم في إنتاج الكهرباء والحفاظ على كفاءة الشبكة العامة المستخدمة في ضخ الغازات الطبيعية.
أوضح بيان مشترك لوزارة البترول والكهرباء معا، أنه وعلى الرغم من الخطط الموضوعة مسبقا بالتنسيق بين الوزارتين لتحديد الكميات الإضافية المطلوبة من الوقود اللازم لمجابهة زيادة الاستهلاك فى أشهر الصيف، والتى قامت وزارة البترول بالفعل بالتعاقد على هذه الكميات منذ فترة واستلامها طبقا للتوقيتات المخططة، إلا أنه فى ظل استمرار الارتفاع الشديد فى درجات الحرارة عن المعدلات الطبيعية لهذه الفترة والذى تعانى منه العديد من دول المنطقة..
فإن هذا يتطلب استمرار خطة تخفيف أحمال الكهرباء التي بدأ تطبيقها منذ أمس بمقدار ساعة إضافية، وذلك حتى نهاية الأسبوع الحالي للحفاظ على التشغيل الآمن والمستقر لشبكة الغاز ومحطات إنتاج الكهرباء.
أضافت وزارة البترول في البيان، أنه تم اتخاذ إجراءات عاجلة وفورية لاستيراد وضخ شحنات وكميات إضافية من الغاز والمازوت لمجابهة الاستهلاك المتزايد في ظل استمرار الموجة الحارة المبكرة.
وبحسب البيان، ستواصل الوزارتان الإعلان عن أي مستجدات في هذا الشأن.
