أحمد موسى يهاجم مسؤولين سابقين: ليه ظلمتوا الناس

هاجم الإعلامي أحمد موسى، المسئولين السابقين بسبب مشكلات المصنعين والمستثمرين، قائلاً: «ليه ظلمتوا الناس دي، ده كل ده عبارة عن فلوس برا وجوا البلد، كل ده إنتاج ضايع، ليه كنا بنعطل مصالح البشر بالشكل ده! دول ناس عايزين يشتغلوا في بلدهم ويخدموها».

وأضاف أحمد موسى، خلال تقديمه برنامج "على مسئوليتي"، المُذاع عبر فضائية " صدى البلد": «شعركم هيقف، لإن المشكلات دي كلها كانت أمور سهلة وبسيطة أوي، وكان ممكن أي حد يحلها، دي مكنتش تستاهل يتم تعطيلها السنين اللي فاتت دي، ولكن مفيش إرادة».

وتابع: «محدش كان بيقعد مع المصنعين والمستثمرين قبل كده، ومكنش حد بيسمع حد، ده فيهم واحد جاي من المنيا عشان إمضاء بسيطة عشان يشغل مصنعه المتوقف بقاله كام سنة ومحدش كان راضي يحل ليه مشكلته».