عمرو أديب: عريس الدقهلية هيتحبس سنة على الأقل

كشف الإعلامي عمرو أديب تفاصيل واقعة اختطاف عريس من أمام قاعة أفراح في الدقهلية، وهي التي تبين أنها «مفبركة»، حيث وصفها بـ«الفيلم الأمريكاني».

وقال عمرو أديب خلال برنامجه «الحكاية»، عبر قناة «mbc مصر»: الراجل تعب جدًا، وعمل كل حاجة في الفيديو بدقة، عربية من غير نمر، يعني فيديو متعوب فيه بصراحة، وفجأة عريس واقف في الشارع تيجي عربية بسرعة وتخطفه من وسط الفرح، أنت تشوف كده تقول إيه اللي جري في البلد؟! إزاي الراجل يتخطف قدام الناس؟!

وأضاف: الدنيا اتقلبت، واللطيمة اشتغلت والبلد خلاص أي حد يعمل فيها أي حاجة! وفجأة يطلع العريس الظريف اللطيف ويقول كنت بهزر، وإننا كنا عايزين نعمل حالة وتم القبض على عريس الدقهلية بعد واقعة ادعائه اختطافه في أثناء حفل زفافه وقد يحصل على سنة حبس على الأقل.