نجوى إبراهيم تحذر من أغاني رامي صبري وحماقي: ننقي الكلام مش كده
كتب: نسرين إبراهيم
وجهت الإعلامية نجوى إبراهيم، رسالة عتاب للفنانان رامي صبري ومحمد حماقي، بسبب كلمات بعض أغانيهما والتي جاءت غير لائقة من وجهة نظرها.
وقالت نجوى إبراهيم من خلال برنامجه الإذاعي "بيت العز" عبر نجوم إف أم، معبرة عن استيائها من إدخال بعض الكلمات غير اللائقة على الأغاني، قائلة: لما رجعت من الإجازة سمعت أغاني أنا بحذر منها، منها أغنية لرامي صبري، بيقول يخربيت جمالها، ليه يا رامي دا انت حتى عاطفي.. هو صحيح عن الجمال بس ليه كده يا رامي هي جت سليمة معاك.. لأن طلعله حماقي، قاله يلعن حاجة كده، مش قادرة أفهم ننقي الكلام محصلتش ومواصلتش نقول يلعن أبو كذا".
نجوى إبراهيم تعلق على ارتفاع نسب الطلاق
من ناحية أخرى، سبق وعلقت الإعلامية نجوى إبراهيم، مؤخرا على نسب الطلاق المنتشرة بسبب ضغوط توفير الأموال اللازمة للاستمتاع بالمصيف، قائلة: الناس بتطلق بعد ما بيرجعوا من المصيف.
وأضافت نجوى إبراهيم، خلال برنامجها «بيت العز»: المصيف زمان كان يعني الإجازة، والعيلة كلها تطلع مع بعض، وحاليا في حاجه مهمه جدا مع بعض الناس تحديدًا مصر الطلاق بدأ ينتشر وبقى موضة مش بس البوركينى والمايوهات هي اللى موضة.
وتابعت: انتشار الطلاق بسبب الزوج والزوجة بيروحوا المصيف عليهم ضغوط منفعلين مستلفين وداخلين جمعية عشان رحلتهم بيكونوا قاعدين لبعض على الواحدة، على ما يروحوا البيت من الضغوط الكثير بيتلككوا لبعض ويطلقوا، دول لازم يروحوا لدكتور نفساني.
View this post on Instagram
