حميد الشاعري: تعاقدت مع شركة ذكاء اصطناعي لاستغلال بصمة صوتي بعد وفاتي

كشف الفنان حميد الشاعري عن تعاقده مع  شركة ذكاء اصطناعي لاستخدامها بصمة صوته بعد وفاته.

وقال حميد الشاعري خلال حواره في بودكاست "حوارات مع عباس" مع الفنان عباس أبو الحسن: "أنا شايف الذكاء الاصطناعي عظيم، يعني لما ربنا يفتكرنا يبقى نفسك تسمع أغنية جديدة بصوت حميد مثلا، أنا حطيت بصمة صوتي أدتهالهم تعاقدت على ده".

وتابع حميد الشاعري: "عملت البصمة وحماقي عملها كلنا هنعملها، لكن لسه مفيش حاجة طلعت، وأنا موجود محبش حد يستخدم صوتي، لكن أنا بعت حق البصمة كورث لأولادي، لو ابني عامل أغنية جديدة وعايز يسمعها ببصمة صوت أبوه، هيعمل أغنية بصوت حميد هيجيب بصمة صوته".

وأكمل حميد الشاعري: "الذكاء الاصطناعي ليه مميزاته وليه أضراره، أضراره ممكن أنك متتقدمش بصورة حلوة، لكن أنت ممكن تشوف فيلم لعبد الحليم جديد وهو بيمثل، والذكاء الاصطناعي موجود من 2014".

وأوضح حميد الشاعري أن هناك شركات موجودة ويثق فيها، مضيفا: "أحنا مش ممكن نقدر نقف ضد التطور".