أميرة أديب: سميحة أيوب قالتلي انت هتبقي ممثلة مهمة جدًا ونجمة شباك
كتب: نسرين إبراهيم
تحدث المخرج عادل أديب عن أفضل مشهد أدت فيه ابنته أميرة اديب بمسلسل "نقل عام"، أثناء ظهوره مع ابنته وزوجته في "صاحبة السعادة".
وقال عادل أديب: "في مشهد مهم جدًا كانت بتشتكي فيه عن حالها، كان حلو قوي، كان بينها وبين الاستاذة سميحة أيوب، كان حلو قوي".
وحكت أميرة: "الأستاذة سميحة أيوب جت بعديها، ودي شهادة أعتز بيها جدًا، قالتلي انتي هتبقي ممثلة مهمة جدًا وهتبقي نجمة شباك أنا بقولك".
وأضافت: "وأنا فضلت قاعدة كدة وبقول استاذة سميحة أيوب بتقولي حاجة زي دي؟ كانت حاجة أعتز بيها جدًا".
ومسلسل "نقل عام" شارك في بطولته محمود حميدة، دينا، نهلة سلامة، ميرهان حسين، سوسن بدر، ريم البارودي، نور النبوي، صولا عمر وغيرهم.
