نبيلة عبيد: بقدم دور لأول مرة في مسلسل «جذوة».. وأتمنى أشارك في عمل من تأليف تركي آل الشيخ

عبرت الفنانة نبيلة عبيد عن سعادتها بعودتها للجمهور من جديد بمسلسل سعودي مصري بعنوان "جذوة".

وقالت نبيلة عبيد عن دورها في مسلسل "جذوة" خلال لقاء مع ET بالعربي: "الدور غريب عليا أنا عاملة حاجة وتسعين فيلم مجاليش دور كده، مش هحكي عنه، هي شخصية غريبة جدا أنا معملتش اللون دا أبدا قبل كده".

وعن سبب غيابها طوال الفترة الماضية: "مفيش إحسان عبد القدوس ومحمود أبو زيد ومصطفى محرم الكتاب الكبار، اللي كنت من خلالهم بقدم أعمالي القوية، الأجيال اللي موجودة ممكن تكون مش بتكتب ليا بتكتب للأجيال الجديدة، أنا اللي كان بيكتبلي الأجيال اللي فاتت اللي رحلت يمكن عن الجداد حاجات تمشي مع الجيل الحالي لكن أنا أتمنى اشتغل مع الجيل الجديد وتكون في شخصية مناسبة ليا".

كما عبرت نبيلة عبيد عن أمنيتها في التعاون مع المستشار تركي آل الشيخ، رئيس هيئة الترفيه السعودية ووجهت له رسالة قائلة:"أتمنى أشارك في عمل من تأليف المستشار تركي آل الشيخ، وأقوله أنت أسعدتنا وأسعدت الناس كلها ربنا يديلك طولة العمر، عمل الحاجات اللي متتعملش، اتفرج شوف الشاشات عاملة إزاي شوف الأعمال والناس اللي بتشتغل مسرح وسينما وتليفزيون وبرامج شوف الحالة اللي حاصله،عمل حاجات متتعملش، بوجه تحية كبيرة".

مسلسل "سكر زيادة"

يذكر أن آخر أعمال نبيلة عبيد كان مسلسل "سكر زيادة"، وعرض في رمضان 2020، من تأليف أمين جمال، وإخراج وائل إحسان وبطولة نادية الجندي، سميحة أيوب، هالة فاخر، بالإضافة لعدد كبير من النجوم الذين يظهرون كضيوف شرف منهم أحمد السقا، وبيومي فؤاد، وجومانا مراد، وروجينا، ولقاء الخميسي، وعبد الباسط حمودة، وحمدي الميرغني، وصبري فواز، وسليمان عيد، وبدرية طلبة وآخرين.