أحمد حسن يهاجم التوأم: فاكرين كل الناس متآمرين عليهم

هاجم الإعلامي أحمد حسن التوأم حسام و إبراهيم حسن مدربا منتخب مصر بسبب عددا من المواقف التي رأى أنهما لم يتعاملا معها بالشكل المطلوب.

وقال أحمد حسن، في تصريحات تليفزيونية: "المشكلة عند حسام وإبراهيم حسن، نظرية إن الناس كلها متآمرة عليهم، لازم يتخلصوا من الموضوع ده، لأن طول الوقت حاسين إن الناس مش عايزهم ومش عايزينهم ينجحوا، بالعكس هما جايين بدعم كبير جدًا ولازم يحافظوا عليه".

وأضاف: "في وقت من الأوقات الأهلي وبيراميدز، بيلعبوا مباريات مهمة، قولت ليه الجهاز الفني مش بيتابع المباريات، إبراهيم حسن، طلع رد عليا وقال إن قولت كده عشان أزود مشاهدات البرنامج»، مضيفًا: «دي كانت وجهة نظير وأنا بتكلم لصالح منتخب مصر".

ووجه أحمد حسن، رسالة إلى حسام حسن، قائلًا: "إنت مدير فني لمنتخب مصر، طبيعي كل حدث الناس هتتكلم عليه، حتى المدير الفني الأجنبي بيتعرض لنقد، لما فيتوريا، كان مدير فني للمنتخب، أنت وإبراهيم، كنتوا بتظهروا في قنوات الفضائية تقولوا وجهة نظركم".