رامي إمام يكشف تفاصيل حالة عادل إمام الصحية وشرطه للعودة إلى التمثيل
كتب: نسرين إبراهيم
كشف المخرج رامى إمام عن تفاصل حالة الزعيم عادل إمام الصحية، وشرطه الوحيد للعودة إلى التمثيل.
وقال رامى إمام عبر لقاء ببرنامج et بالعربى: "أنا مش محتاج أطلع أطمن الناس على الزعيم عادل إمام كل شوية لانه مفهوش حاجة، احنا طول عمرنا من وقت ما كنت صغير انا واخواتي واحنا بنسمع شائعات عننا وعنه، أما نروح شقة يقولوا عمارة عادل إمام لو بناكل في مطعم يقولوا بتاع عادل إمام فبقينا نتعامل مع الموضوع عادي".
وتابع: "طبعا مع الوقت الشائعات بتتغير والناس بتقول أنه اكيد مريض لكن طبعا لأ هو كويس جدا جدا جدا وبيستمتع مع أحفاده والشائعات مش بتأثر فينا لأننا متعودين لكن هو شايف ومتابع كل حاجة وساعات بيتأثر بده بس عارف جمهوره كويس ومتفهم أن الحاجات دي طبيعية".
وأما عن مدى امكانية عودة الزعيم عادل إمام الى الساحة الفنية أكد رامى إمام قائلا : "أن الأمر يعود إلى العمل الذي يعرض عليه، هو مستعد يرجع تاني عادي لكن هو مش عايز يكون موجود لمجرد التواجد، وإن شاءالله لو جاله عمل فني حلو فهتشوفوه تاني عادي".
