رمضان 2025.. أميرة أديب تنضم لمسلسل «عايشة الدور» لـ دنيا سمير غانم

أعلنت الفنانة الشابة أميرة أديب انضمامها لأبطال مسلسل "عايشة الدور" بطولة الفنانة دنيا سمير غانم، والمُقرر عرضه في الموسم الرمضاني 2025.

أميرة أديب تنضم لمسلسل "عايشة الدور"

ونشرت أميرة أديب عبر خاصية Stories فيديو تمازح فيه جمهورها، قائلة: "أميرة وحشتينا يا أميرة، أميرة بقالك كتير مش على الشاشة، أميرة ليه مابقتيش تمثلي، طب أهو"، وبعدها نشرت صورة مجمعة لأبطال مسلسل "عايشة الدور"، وتظهر فيها مع دنيا سمير غانم ومحمد الكيلاني ومحمد ثروت وفدوى عابد وسما إبراهيم، وعلقت كاتبة: "مش عارفة بيعرفوا ازاي، أشوفكم في رمضان يا حبايب ماما".

آخر أعمال أميرة أديب

يذكر أن أميرة أديب أصدرت منذ اشهر أغنية "ضلمة ونور" من كلماتها، وإخراجها بمشاركة كرم ناويلاتي، وعلقت أميرة كاتبة على إصدارها للأغنية: "‏افتتحنا رسميا فصل الشتاء، ‏فيديو كليب و أغنية ضلمة ونور في كل حتة دلوقتي، عيطوا معايا بقي عشان كفاية عياط لوحدي".

وكانت أميرة أديب نفت شائعة اعتزالها الفن، وظهرت أميرة أديب في فيديوهات نشرتها عبر خاصية القصص القصيرة في حسابها على Instagram لترد على هذه الشائعة وقالت: "أنا معتزلتش التمثيل، أنا ملحقتش أمثل عشان اعتزل، مش عارفة ليه بتقولوا كده في فيديوهات كتير بتقول كده معرفش ليه الواحد لازم يعمل حاجة واحدة في حياته بس مينفعش يبقى كذا حاجة، الفيديو كليب اللي أنا بعملها دي جزء كبير من إني بعملها عشان أنا بحب التمثيل وعايزة أمثل وبمثل فيهم".

وتابعت أميرة أديب: "ومين طلع إشاعة إني هتخطب وهقعد في البيت، دا على جثتي إنه يحصل إني أتجوز وأبطل شغل، وأي حد مصدق ده يبقى ميعرفنيش".