إزاي أقدر أثبت على الحجاب؟.. حلا شيحة تجيب: "أنا كنت كده وما زلت وهفضل في الجهاد"
كتب: نسرين إبراهيم
أجابت الفنانة حلا شيحة، على سؤال متكرر من متابعو صفحتها على "إنستجرام"، حول كيفية الثبات على الحجاب، وارتدائه وعدم خلعه.
ونشرت حلا شيحة فيديو عبر حسابها الرسمي بموقع إنستجرام ردت من خلاله على أسئلة متابعيها، حيث كتبت: “لكل واحدة بعتتلي وسألتني: "إزاي أقدر أثبت على الحجاب؟ إزاي قلبي ما يرجعش يتوه تاني؟" أنا حاسة بيكي".
وقالت حلا شيحة في الفيديو موجهة نصيحة لجمهورها: "بنروح لربنا ونسجد بين إيديه ونقوله يا رب حببنا فيما تحب، وكرهنا فيما تكره، فيه بنات بتبعت لي تقول لي أنا عاوزة اتحجب بس مش قادرة آخد الخطوة يا حلا، أنا رجل وار ورجل قدام، بقول لك اطمني أنا كنت كده وما زلت وهنفضل في الجهاد ده لحد ما نقابل ربنا".
وأضافت حلا شيحة: "إحنا بنفكر في المكانة الاجتماعية وحب الظهور وبنقول أصل أنتي لما تتحجبي مش هينفع تخرجي على البحر، وهي دي النفس الزنانة البيبي الصغير، عاوزة تتشاقى وكلنا تندرج تحتها، لكن عاوز تنجح نجاح شاسع زكي نفسك.. إحنا محتاجين نروح لربنا ونسجد بين إيديه ونقوله حببنا فيما تحب وكرهنا فيما تكره".
View this post on Instagram
