أيمن بهجت قمر ينفي خلافه مع نصر محروس: «أخويا وسباق بالواجب»

نفى الكاتب والشاعر أيمن بهجت قمر، خلافه مع المنتج نصر محروس، وذلك من خلال منشور له عبر حسابه بموقع التواصل الاجتماعي.

وقال أيمن بهجت قمر، تعليقًا على صورة نراها لنصر محروس: "نصر محروس أخويا الكبير وصانع النجاح هو وعيلة محروس إخواتي".

وأضاف: "أنت دايما سباق بالواجب والذوق أنت وأمير وأميرة وهاني والله يا جماعه الكبار كبار بأفعالهم وقليلي الحيلة والصغيرين صغيرين بأفعالهم برضه".

وكان أيمن بهجت قمر وجه هجومًا شديدًا لأحد الأشخاص الذي قام بانتقاد أغنية قلب أسود وكتب أيمن عبر حسابه بموقع التواصل الاجتماعي فيس بوك: في بعض الصغيرين في الحقل الموسيقي ما اتعلموش يعني إيه زمالة ما اتعلموش يعني إيه احترام والمفاجأة إنهم أقزام في المهنة، حقيقي بشفق عليهم من الغيرة لأنهم فعلا تحت وتحت أوي والناجح الشاطر هو اللي بيفضل باصص عليهم من فوق ربنا يهديهم.

واستكمل: "بص يا حبيبي حضرتك لما شغل زمايلك ينزل من الأدب إن لو فيه حاجة ماعجبتكش تسكت لإنك هارينا أعمال رخيصة وساكتين، أنت تنصح نفسك تنفع نفسك تخليك في نفسك، يعني أنت بتنصحنا عشان نبقى في مكانتك مثلا أنت بعيد أوي وبعيد عشان باصص على غيرك وبتلهث وراه عشان كده أنت ضئيل، ربنا يعينكم على نفسيتكم أنا سعيد لإني مش زيكم وعمري ما كنت زيكم".