قبل أبوهشيمة.. والد ياسمين صبري يكشف قصتها مع زوجها الأول «دودي»
كتب: محمودحفني
روى أشرف صبري والد الفنانة ياسمين صبري تفاصيل زواجها الأول من دكتور عيون يدعى دودي، قبل زواجها من رجل الأعمال أحمد أبوهشمية وقبل دخولها مجال التمثيل
وقال والد الفنانة ياسمين صبري، في في برنامج "قعدة ستات"، مع الإعلامية مروة صبري، عن قصة زواجها الأول من زوجها دودي: "قابلته لأول مرة هو وأخوه جولي في إسكندرية وقالولي عايزين نعمل مشروع وكان باين عليهم إنهم لسة صغيرين وبعدين قابلني تاني بعدها بفترة وقالي أنا عايز أخطب ياسمين بنت حضرتك فقولتله أهلا بيك هشوف رأيها هي قالي هي موافقة فسألت ياسمين قالت أه طيب هو كويس ودكتور عيون وعنده مستشفى في إسكندرية فقولتلها خلاص نعمل حفلة عندنا في الجنينة على البيسين".
وأضاف والد الفنانة ياسمين صبري: "بالفعل عملنا الحفلة وجبنا حد يعمل الأكل وبعدها بكام شهر قالي يا عم إحنا هنتجوز وعايزين نعمل الفرح في الفور سيزون وقالي بس لازم نبعت لبلال أخو ياسمين وفعلا بلال جه وعملنا الفرح في الفور سيزون وكنت فرحان بيها جدا وكانت في الفترة دي لسة ما دخلتش عالم التمثيل".
