مرتضى منصور: «مشوفتش حد أشاد بأمير اللي جاب المدرب أوسوريو»

كشف المستشار مرتضى منصور، بأن أمير مرتضى منصور، المشرف العام على فريق الكرة، هو الذي تعاقد مع الكولومبي خوان كارلوس أوسوريو، المدير الفني للفريق الأول لكرة القدم بالقلعة البيضاء.

وأضاف مرتضى منصور،  خلال فيديو تم نشره على قناة النادي مساء أمس،: «مشوفتش حد أشاد بأمير، اللي جاب المدرب.. اللجنة الفنية بصراحة مكنش ليها علاقة باختيار المدرب ده».

وأوضح: «اللجنة الفنية اختارت الألماني اللي هرب والإسباني اللي مرضيش يرد عليهم، وأمير هو اللي اختار أوسوريو، ومعاه محمد حبشي (وكيل أعمال المدرب)، وأحمد حسام ميدو».

وتابع: «الزمالك امبارح لعب ماتش عالمي، الزمالك طول عمره بيهاجم مش بيدافع، ده الزمالك اللي غلب وست هام 5-1، مع احترامي لفيريرا، كان مكتف اللعيبة في الملعب».

واختتم: «أنا مشيت البرتغالي فيريرا، بعد ما كان خلاص مفيش فايدة، وتولى أسامة نبيه القيادة في مباراة فيوتشر، ثم تعرض للهجوم من الجماهير وهو ما دفعه للرحيل وطالبنا بعودة البرتغالي فيريرا مرة أخري».