مُنع من الغناء في حفل أصالة.. المطرب النقاش مُستنكرًا: «مش عارف إيه السبب !»
كتب: مؤمن نصر
علق أحمد سالم، المعروف إعلاميا بالمطرب النقاش، على قرار منعه من الغناء على مسرح الأوبرا في حفل النجمة أصالة في ختام مهرجان الموسيقى العربية.
وقال "سالم"، خلال أحدى لقاءاته التلفزيونية: قمت بعمل كل البروڤات مع الفنانة أصالة في الأوبرا قبل الحفل، ولكنني فوجئت بمكالمة من مكتب الفنانة يخبروني بوجود مشكلة تخصني مع إدارة دار الأوبرا، وأنا فعلا مفيش أي مشاكل وحبيت أعرف طب في إيه؟ محدش عرفني حاجة.
وأضاف: محدش قالي أنت مش هتطلع، هما قالولي في مشكلة في الأوبرا ومحدش أعلن عن وجودك في المهرجان، والوزيرة هتكون موجودة مع شخصيات كبيرة وأنت أسمك مش موجود في جدول المهرجان.
واستكمل حديثه: روحت الأوبرا بعدها عشان أشوف لو في مشكلة محتاجة تتحل، وهما كل اللي قالوه إني مش مصرح ليا أطلع على مسرح الأوبرا، وإنهم اتفاجئوا والمفروض كانوا يتبلغوا قبلها، بس الحمدلله هو نصيب وربنا شايل ليا حاجة أحسن.
